qawal

Şêxan – Piştî ku Mezinê Qewalan, Qewal Silêman, berî cend hefteyan çû rehma Xwedê, Civata Ruhanî dûhatiyê wî diyar kir. Îro di 2. Hezîranê 2014 di saat 11 de, kurê Qewal Silêman, Qewal Behzed, li Lalişê wek Mezînê Qewala hat binavkirin. Merasîma binavkirinê ji aliyê Rudaw TV zindî hat weşandin.
Qewal roleke navdar di dînê Êzîdiyan de dilîzin. Êzîdîtî pirranî bi devkî tê xwedîkirin. Qewal, Qewl û Beytên Êzîdiya (tekstên pîroz yên dînî) ezber dikin û nifşa nû ya Qewalan perwerde dikin. Qewal gerek talîmek (dibistan) dûr û dirêj derbas bikin, ji bo ku bi sedan tekstên pîroz ezber bikin. Mezinê Qewala salê carekê di nav gundên Êzîdiyan de digerin, da ku tifaqa Êzîdyan qewîn bibe.